സൂയിസൈഡ് സ്ഖ്വാഡ്‌ (2016)
Language : English
Genre : Action | Adventure | Crime | Drama | Fantasy
Director : David Ayer
IMDB : 6.8
Suicide Squad Theatrical Trailer
ഒരു ചിത്രത്തിനു വേണ്ടി രണ്ടു വർഷത്തോളം കാത്തിരുന്നിട്ടുണ്ടെങ്കിൽ അത്‌ സൂയിസൈഡ് സ്ഖ്വാഡിനു വേണ്ടിയാണു. മൂന്നു കാരണങ്ങൾ - സംവിധായകൻ ഡേവിഡ് ആയർ, വിൽ സ്മിത്ത് പിന്നെ ഇപ്പോഴത്തെ യുവാക്കളുടെ ഹൃദയമിടിപ്പ്‌ ആയ മാർഗ്ഗൊട്ട്‌ റോബി.. ഇത്തിരി വൈകിയാണെങ്കിലും വളരെയധികം പ്രതീക്ഷയോടെ ചിത്രത്തിനായി തീയറ്ററിൽ കയറി. രാത്രി 11 മണിക്കുള്ള ഷോ ആയതിനാൽ അധികം തിരക്കില്ലായിരുന്നു.
സൂപർമാൻറെ മരണത്തോടു കൂടി ലോകത്തെ ദുഷ്ടശക്തികളിൽ നിന്നും രക്ഷിക്കാൻ ഇന്റലിജൻസ്‌ ഓപ്പറേറ്റീവ്‌ ആയ കഠിനഹൃദയായ അമാൻഡ വാളർ ഒരു സംഘത്തെ ഒന്നിച്ചു ചേർക്കുന്നു. ഇവിടെ വ്യത്യസ്തമാകുന്നത് അവർ ക്രിമിനലുകൾ ആണെന്നുള്ളതാണ്. ഡെഡ്ഷോട്ട്, ക്യാപ്റ്റൻ ബൂമറാങ്, എൽ ഡിയബ്ലോ, ഹാർലി ക്വീൻ, കറ്റാനാ, കില്ലർ ക്രോക്, ഓൺഷാൻട്രസ്, സ്ലിപ്നോട്ട് തുടങ്ങിയവർ ആണ് സൂയിസൈഡ് സ്‌ക്വാഡ്. ഇവരെ നിയന്ത്രിക്കാൻ വേണ്ടി റിക് ഫ്‌ളാഗ് എന്ന ആർമി സ്‌പെഷ്യൽ ഫോഴ്സസ് ഓഫീസറും.
ചിത്രത്തിൻറെ ഏറ്റവും വലിയ പോരായ്മ ഒരു കഥ തന്നെയാണ്. സ്ഥിരം കണ്ടു മടുത്ത സൂപ്പർഹീറോ ചിത്രങ്ങളുടെ കഥ തന്നെയാണ് ഈ ചിത്രത്തിനും ഉപയോഗിച്ചിരിക്കുന്നത് എന്നത് ഏറ്റവും വലിയ പോരായ്മ ആയിട്ടാണ് തോന്നിയത്. ചില ആക്ഷൻ സീനുകൾ നന്നായിരുന്നു. ഗ്രാഫിക്‌സും തരക്കേടില്ലാരുന്നു. പക്ഷെ ഈ പറഞ്ഞ ചേരുവകൾ അല്ലല്ലോ ഒരു സൂപ്പർനായക ചിത്രങ്ങളുടെ മുഖമുദ്ര. വിൽ സ്മിത്ത് തന്റെ റോൾ വളരെ ഭംഗിയായി ചെയ്തു. മാർഗോട്ട് റോബിയാണ് ഏറ്റവും കൂടുതൽ ഈ ചിത്രത്തിൽ പ്രകടനം കാഴ്ച വെച്ചത്. ഒരു showstealer തന്നെയായിരുന്നു അവർ. സൗന്ദര്യവും ഭ്രാന്തും ഒരേ പോലെ തന്നെ നിലനിർത്തി തന്റെ കഥാപാത്രത്തിനെ പൂർണതയിലെത്തിച്ചു അവർ. ജേഡ് ലീറ്റോ അവതരിപ്പിച്ച ജോക്കർ ഒരിക്കൽ പോലും ഹീത്തിന്റെ നിലവാരത്തിൽ എത്തിയില്ല എന്ന് മാത്രമല്ല അധികം ഒന്നും ചെയ്യാനും ഉണ്ടായിരുന്നില്ല. മറ്റുള്ളവർക്കും ഇതേ അവസ്ഥ ആയിരുന്നു. കാർല ദേവേലിഗ്നെ അവതരിപ്പിച്ച ഒൻഷാൻറ്സ് സാമാന്യം നല്ല രീതിയിൽ ബോറായിരുന്നു. പ്രത്യേകിച്ച് അവസാന സീനുകളിലുള്ള അഭിനയം ഒരു തരത്തിൽ പോലും സഹിക്കാൻ കഴിവുള്ളതായിരുന്നില്ല.
പശ്ചാത്തല സംഗീതം നന്നായിരുന്നു. കുറച്ചൊക്കെ സീനുകളോട് അനുബന്ധിച്ച സംഗീതം തന്നെയായിരുന്നു. ഡേവിഡ് ആയർ എന്ന സംവിധായകൻ ഒരു നല്ല ചിത്രം ഒരുക്കുമെന്ന പ്രതീക്ഷയോടെ തന്നെ ആണ് ഇത്രയും നാലും കാത്തിരുന്നത്. പക്ഷെ എന്റെ പ്രതീക്ഷ എല്ലാം അസ്ഥാനത്താക്കി ഒരു സാധാരണ ചിത്രം അതും ഒരു ഓളമില്ലാതെ പോയി
എന്റെ റേറ്റിങ് 6.3 ഓൺ 10
No comments:
Post a Comment