188. Morgan (2016)

മോർഗൻ (2016)

Language : English

Genre : Drama | Horror | Sci-Fi | Mystery

Director : Luke Scott

IMDB : 6.1

Morgan Theatrical Trailer

മോർഗൻ - ബയോ എഞ്ചിനീറിങ്ങിലൂടെ ഒരു പറ്റം ശാസ്ത്രജ്ഞൻമാർ സൃഷ്ടിച്ച കുട്ടിയാണ് അവൾ. തന്റെ ശ്രഷ്ടാക്കൾ പ്രതീക്ഷിച്ചതിലും മുകളിൽ ആയിരുന്നു അവളുടെ വളർച്ച. പക്ഷെ തന്റെ വികാരങ്ങൾ അടക്കി നിർത്താനും തിരിച്ചറിയാനും കഴിയാത്ത അവൾക്കു, തന്നെ വളർത്തിയ ക്ലാരയെന്ന ഡോക്ടറെ ദാരുണമായി ഉപദ്രവിക്കുന്നു. കമ്പനി ഉടമകൾ ലീ വെതർസ് എന്ന കൺസൽട്ടിനെ അവിടേക്കു എത്തുന്നു. മോർഗൻ എന്ന ആ ഉദ്യമം തുടർന്ന് കൊണ്ട് പോകണോ എന്ന ചോദ്യത്തിന് ഉത്തരം കണ്ടെത്തുകയാണ് ലക്‌ഷ്യം. പക്ഷെ ലീ അവിടെ എത്തുമ്പോൾ അവിടുത്തെ അവസ്ഥ എല്ലാം മാറി മറിയുന്നു..

മോർഗൻ ആയി അഭിനയിച്ച ആന്യ ടെയ്‌ലർ ജോയി മികച്ച പ്രകടനം കാഴ്ച വെച്ചു. ഒരു humanoid എങ്ങിനെ പെരുമാറുന്നു എന്നത് വളരെ നന്നായി തന്നെ ആ പത്തൊമ്പതുകാരി അവതരിപ്പിച്ചു. വികാരങ്ങൾ ഒക്കെ ആ മ്ലാനമായ മുഖത്ത് പ്രകടിപ്പിക്കാൻ ശ്രമിച്ചു. കേറ്റ് മാര ആണ് നായിക ആയ ലീ വേദർസിനെ വ്യത്യസ്ത രീതിയിൽ അവതരിപ്പിച്ചു. ഒരു നിഗൂഢ സ്വഭാവം ഉള്ള ഒരു കഥാപാത്രം ആയി അവർ അവസാനം വരെയും കൊണ്ട് പോയി. മിഷേൽ യൂ, തോബി ജോൺസ്, റോസ് ലെസ്ലി തുടങ്ങിയ നിരവധി കഥാപാത്രങ്ങൾ ചിത്രത്തിൽ ഉണ്ടായിരുന്നു. അവരെല്ലാം അവരുടെ കഥാപാത്രങ്ങൾ നന്നായി തന്നെ അവതരിപ്പിച്ചു. 

പക്ഷെ..... അഭിനയം മാത്രം പോരല്ലോ ഒരു ചിത്രം നന്നാവാൻ. ഒരു നല്ല കഥ (എക്സ് മെഷീന ചിത്രവുമായി അല്പം സാമ്യം തോന്നാം), ശരിക്കും നല്ല ഒരു കൺസപ്റ്റ് മോശം സംവിധാനം കൊണ്ട് ഒന്നുമില്ലാതാക്കി  കളഞ്ഞു. ഇതിഹാസ സംവിധായകൻ റിഡ്‌ലി സ്കോട്ടിന്റെ മകനായ ലൂക് സ്കോട്ടിന്റെ പ്രഥമസംവിധാനസംരംഭമാണ് ഈ ചിത്രം. പക്ഷെ അത് വളരെ മോശം നിലവാരത്തിലേക്ക് കൂപ്പുകുത്തി എന്ന് നിസംശയം പറയാം..

ട്രെയിലർ തന്ന പ്രതീക്ഷ അക്ഷരാർത്ഥത്തിൽ നശിപ്പിച്ച കളഞ്ഞ സംവിധായകൻ ആയി ലുക്ക്. കഥ സ്ഥാപിച്ചെടുക്കാൻ തന്നെ വളരെ അധികം സമയം വേണ്ടി വന്നു. കൃത്യമായ ഒഴുക്കില്ലാതെ പോകുന്ന ചിത്രം താളം കണ്ടെത്താൻ വളരെയധികം വിഷമിക്കുന്നുണ്ട് .  വളരെ മെല്ലെ ഉള്ള ചിത്രത്തിൻറെ പോക്ക്  ആദ്യപകുതിയിൽ നമ്മെ വളരെയധികം ബോറടിപ്പിക്കുന്നുണ്ട്. പിന്നീട് ഒരു ചടുലതാളത്തിലേക്കു ചിത്രം  രൂപാന്തരപ്പെടുമ്പോഴേക്കും  സമയം വളരെയധികം വൈകിപോയിരുന്നു. ഒരു ഗംഭീര ട്വിസ്റ്റ് ചിത്രത്തിൽ ഉണ്ട്, പക്ഷെ ചിത്രത്തിൻറെ ഗതി അതിനു മുൻപേ തന്നെ തീരുമാനിക്കപ്പെട്ടതു മൂലം ആ ട്വിസ്റ്റ് നമുക്ക് പ്രത്യേകിച്ച് ഒരു പ്രതീതിയും ഉളവാക്കുന്നുമില്ല.  മാക്സ് റിക്ടർ നൽകിയ പശ്ചാത്തല സംഗീതം പ്രശംസാവഹം ആയിരുന്നു. ക്യാമറയും നന്നായി തന്നെ ചെയ്തിട്ടുണ്ട്.ആക്ഷൻ സീനുകൾ കുറവായിരുന്നുവെങ്കിലും ഉള്ളത് നന്നായി തന്നെ ചെയ്തു.

ഹൊറർ ജോൺറെ ആണ് ചിത്രം എന്ന് പറഞ്ഞു കേട്ടിരുന്നു. പക്ഷെ ഹൊറർ എന്ത് രീതിയിൽ ആണെന്ന് മാത്രം എനിക്ക് മനസിലായില്ല.. പേടിപ്പെടുത്തുന്ന ഒരു സീൻ പോളും ചിത്രത്തിൽ ഉണ്ടായിരുന്നില്ല.

മൊത്തത്തിൽ ചിത്രം എന്നിലെ പ്രേക്ഷകനെ പിടിച്ചിരുത്താൻ പോകുന്ന ഒന്നല്ലാതായി മാറി. 

ഞാൻ മോർഗാണ് കൊടുക്കുന്ന മാർക് 4 ഓൺ 10

ഒരു രണ്ടാം ഭാഗത്തിനുള്ള വാതിൽ തുറന്നിട്ടിട്ടാണ് ലൂക് സ്‌കോട്ട് ഈ ചിത്രം നിർത്തുന്നത്. പക്ഷെ ബോക്സോഫീസ് ഫലം നിർണയിക്കും.